Denay wala dey ajab nishani gaya…!

Denay wala dey ajab nishani gaya
Mathay per ker tehrer gham ki kahani gaya

Khushi’yan sari khod samayt ker ley gaya
Meri ankh’on sey ker rawa’n pani gaya

Heer chor ker chali gai ranjha ko
Likh wo meri kitab per ye kahani gaya...

Wo sarey jaha’n ki khushi’an..

Wo sarey jaha’n ki khushi’an
Wo tera ik humsafar kehna

Wo sarey zamaney ki mukhalfat
wo tera ik qissa-e-muhabbat kehna

tujhey chahney walo’n ki kami na thi
wo tera ik tujh ko jan kehna

kiun badal gaya hai ab tu meri jan
kaha’n gaya wo tera ik mujh ko chand kehna...

Mein sarey zamany ki mukhalfat ker sakta.!!

Mein sarey zamany ki mukhalfat ker sakta
agar tu sath nibhata

Mein chaltey huay darya’on ko rok sakta
agar tu sath nibhata

Mein rotey ho’on ko hansa sakta
agar tu sath nibhata

Mein dukh dard bhula sakta
agar tu sath nibhata

Mein khod ko tabah honey sy bacha sakta
agar tu sath nibhata....

Dukh dard ki kitaab aur hai…!

Dukh dard ki kitaab aur hai
Tera mera hisaab aur hai

Tu kiun khod ko kisi aur sey tashbeh deta hai
Chambeli aur hai, gulaab aur hai

Hum’ein aik dosrey key liye khol key roney bhi na dey ga
Yahan muhabbat mein zamaney ka dastoor aur hai

Mein tum ko bhol jaon ye mat socha karo
Muhabbat aur hai ishq aur hai...

Hansi ki wajha ye nam nahi hota.!!

Hansi ki wajha ye nam nahi hota
Ishq mein to koi badnam nahi hota

Arey log to pagal hein jo samjhty nahi hein
Warna is mein to koi paap nahi hota

Is mein koi to aisi baat hai
Warna aisey hi koi kisi mein nahi khota

Kuch log guzar rahey hein zindagi aik nam key saharey
Mein ney to suna tha key koi kisi ka nahi hota

Tum kiun ungli’on ko gin rahey ho aaj ‘Gul’
Is ishq mein to koi hisab kitab nahi hota....

Aab key baad koi nahi roye ga..

Aab key baad koi nahi roye ga
Wo waqt nahi raha to ye bhi nahi rahey ga

Wo youn hi bat bat per roth jata hai
Wo kitni dair aur rotha rahey ga

Agar muhabbat ka sila milta hai yehi
To koi bhi ab muhabbat mein nahi khoye ga

Tu kiun ro raha hai aaj ‘Gul’
Kia ab laut key nahi aaye ga...

Gham denay waley gham dey ker bhool jatey hein.!!

Gham denay waley gham dey ker bhool jatey hein
Yaad rakhney wala sada yaad rakhtey hain

Tum ney to kahin akelay hi beth ker pe li
Hum aaj bhi teri piyas rakhtey hein

Duniya waley hanstey hein hum ko daikh ker
Hum jo teri tasweer ko senay set lagaey rakhtey hein

Khoda hum ko agar hoor bhi ataa keray ‘Gul’
Hum teri hi nigah mein nazar’ein bichaye rakhtey hein...

Khushnaseeb ashkon mein yeh khaaksaar kahan..

Khushnaseeb ashikon mein yeh khaaksaar kahan,
Bhula jo deta un ko aakhir, yeh ikhtiyaar kahan,

Hota hai chahat ka asar har tabeeyat pe mukhtalif,
Besabri dekho hum hi ko hai, unko intezaar kahan,

Ranj-o-gham se labrez ik daastan apni zubaani,
Bechna hamein bhi tha, lekin, kharidaar kahan?

Raat gayi, baat gayi, saath gaye wo haseen pal,
Khula hai dareecha aaj bhi, nigahen chaar kahan,

Be-mausam ki baarish hain, bheegne se na katra’aa,
Aayenge aise mauke ‘Aashiq’ ab baar baar kahan....

Main de saka na tujh ko raahat kabhi koi..!

Main de saka na tujh ko raahat kabhi koi,
Sumjhi na main nay iss ke zaroorat kabhi koi,

Naadim thha main, na hi main tujh se tha farar,
Phir bhi na di boond bhar chaahat kabhi koi,

Anjaan ban ke saath teray guzari jo zindagi,
Lagta hay jaisay thhee na mohabbat kabhi koi,

Laazim thha mujh pay haq jo teri wafa ka jan,
De na saka main tujhko kisi surat kabhi koi,

Ranjeeda apni zaat ke kuch faislon se hoon,
Kyun na main de saka tujhay ishrat kabhi koi,

Tou ne bhi her sitam pay sar ko jhuka liya,
Jaisay na ho dil main teray hasrat kabhi koi,

Maafi ka talabgar raha mian her ghadi laikin,
Sharminda hoon aisi ayi na surat kabhi koi,

Ab kiya kahon ke shaukat azaabon main thha ghira,
Mujh se uthhayi gayi na zehmat kabhi koi...

Mein to nahi ye zamana pagal ho gaya hai..!

Mein to nahi ye zamana pagal ho gaya hai
Mujhey tum sey juda kerney per tul gaya hai

Jo bhyed umer’on sey chupaye huay thay
Mera khayal hai ab khul gaya hai

Meray mathey pey jo daag-e-ruswai tha
Ab wo dhul gaya hai

Lagta hai youn aaj ‘Gul’ jesay
Zulm ka soraj dhal gaya hai...

Kia maza in haseen bahar’on ka.!!

Kia maza in haseen bahar’on ka
Sehan,gulshan aur rang par’on ka

Kesay guzar sakey ga wo in key sath
Jisey dukh ho bichray yaar’on ka

Aaj bari mudat key bad na janey kiun
Khat aya hai meray chahney wal’on ka

Laut aao in rast’on sey ‘Gul’
Ye sandesa hai meray piyar’on ka...

Wo mujh sey pocha kerti thi..!

Mein ik pal bhi ghar sey nikl’on
To wo mujh sey pocha kerti thi
Tum kahan gaye thay
Kis sey milney gaye thay
Kia kam tha tujh o
Aisey be-wajha
Ghar sey na nikla karo
Zamana bohat kharab hai
Aaj teen shab bad
Jab mein ghar lauta to
Yaad aya
Wo pocha kerti thi....

Mein Hun aur Tanhai Hai!

Mein hun
Aur tanhai hai
Teri ye chand tasweer’ain
Jo mujh sey baat’ein kerti hein
Teri ye chand tehreer’ain
Jin ko parh ker hum khod ko tasali’yan detay hein
Aur kuch card
Jinhei’n hum eid per parha kertay hein
Aur
Teray bhejay huay kuch gift
Jinhei’n hum her waqt chuma kerat thay
Agr tum khod aa ker dekho
Mera kamra bas teri
Yaad’on ki nishani hai
Aur tum
Kehtay ho key mujhey bhol jao. . !

Abhi aay ho abhi ja rahey ho !

Abhi aay ho abhi ja rahey ho
kuch dair aur ruko abhi raat baki h ai
is tarha barish mein
mat chor ker jao mujhey
in ankh’on mein an-dekhay sapney bohat baki hein
tum in rah’on mein abhi sey nidhal ho
abhi dukho’n ki kitab aur baki hai
tum kisi aur key ho jao ye ho nahi sakta
abhi to ‘Gul’ ki saans boht baki hai....

Muhabbat key safar mein!

Muhabbat key safar mein
aaj phir souchta hun

kitney din huay hein
tum ko dekha nahi

goya

kitney din huay hain
khud ko mila nahi

janey kab milo gay
lekin Jab milo gay

mein khod ko ainey mein
dekhlun ga

muhabbat key safar mein
aaj phir sochta hun. . !

Admi bulbula hai pani ka. . !

admi bulbula hai pani ka
kia bharosa hai zindagani ka

agar ho sakey to aa ker milo
kia hai is saans ani jani ka

agar tum laut aao to ‘Gul’
anchal sambhal lena dewani ka.

Be-wafa’on ko aram kesay aye ga ?

Yaha’n ehal-e-dil toot’ain gey nahi to
Be-wafa’on ko aram kesay aye ga

Wo awara mizaj kahin door ja basa hai
Aab meri saada’on per kesay aaye ga

Saans’on mein basa hai yaad’on ki surat
Per is ko yakeen kesay aaye ga

Mein is ko kab ka bhol gaya hota ‘Gul’
Masla is dil ka hai is ko qarar kesay aaye ga....

Youn to pas sey hazar bar guzra . .!

Youn to pas sey hazar bar guzra
Aaj is liye aya key bemar tha

Sarkash lehja aur mathey pey bal
Janey isey jis cheez ka khumar tha

Wo ghusey mein aur bhi nikharta jar aha tha
Ye us ka husn tha ya mera piyar tha...

Aaj shab mein jag raha tha!

Aaj shab mein jag raha tha
Sehan mein betha soch raha tha
Itney mein chupkey sey
Chand meray pas aa betha
Aur kehnay laga
Ik bar chali jaye to
Ye zindagi laut key nahi aati
Ye keh ker wo
Kahin door badal’on ki oot mein
Chup gaya
Aur mein ney hawa’on key hath ye sandesa bheja
Mujhey ik bar aa key mil jao
Ye zindagi
Laut ker nahi ati
Usey kehna...

Sadi’yon sey rothey ko ab aaye hein mananey . .

Sadi’yon sey rothey ko ab aaye hein mananey
Wo kab ka ghar chor chukka, aye hein isey ghar laney

Jis key kisi patey mein bhi khusbo ka ik zara nahi raha
Lagey hein is guldan ko angan mein sajaney

Zaman kitna be-reham hai key jab mar chukey
To laga hai qabr’on ko ab milaney

Ye kia majra hua hai ‘Gul’ key
Lagey ho mazloom ki kahani zalim ko sunaney.....

Kahan gaye sheher k zaalim log?

Kahan gaye sheher k zaalim log?
Kahan gaeen sheher ki zaalim batain?

Way na rahay tum sajan
Aur na rahi mulaqatain

Ik shakhs tum se kah raha hai ‘Gul’
Ataa karo mujhko wohi dukh ki saughaatain. . !

Aaj tor diye hein tu ney meray sapney..

Aaj tor diye hein tu ney meray sapney
Aaj tor diye hein wadey apney

Ab meray pas bhi kia reh gay hai
Laut jao gey ab tum bhi ghar apney

Mujh ko ata kia bhi to itna kam
Chand aanso aur chand dukh apney

Mein ji’eon bhi to kis key saharey ‘Gul’
Ab hein bhi yahan kon apney...

Bethay bethay likh raha hun ik kahani janey kiun..!!

Bethay bethay likh raha hun ik kahani janey kiun
Meri ankh’on sey hai ashq’on ki rawani janey kiun

Phir sey doba jar aha hai aj mera gham sey dil
Baat taza ho rahi hai ik purani janey kiun

Khod-bakhod aaye hansi aur rona aye apney aap
Meray dil pey hai kisi ki hukmrani janey kiun

Mar key bhi is ko bhula sakta nahi ‘Ikram Gul’
Na wafa, na baat, na morat suhani, na janey kiun....

Muhabbat hadisa hai..!

Muhabbat hadisa hai
Hadsy sey bach nikalney ki

Koi tadbeer kar lo is sey pehlay khuwab ho jao
Jisey hum hadsa kehtay hein

Jewan ko ghari bhar mein
Mita ker khak kerta hai

Koi ilzam dharta hai
Kabhi maazori’on key jal mein qaidi

Bana ker chor deta hai
Muhabbat hadsa hai

Hadsy sey bach nikalney ki
Koi tadbeer kar lo is sey pehlay khuwab ho jao....

Muhabbat’on ka khayal rakhna.!

Muhabbat’on ka khayal rakhna
Kahi’en na aisa ho be-dihani mein

tum hatheli ko khol dalo
hawa’ein sazish pey aan utre’in

to khushk pat’on sa hal ho ga
gulaab rut ka zawal ho ga

muhabbat’on ka khaya rakhna..

Abhi bhi waqt hai..!!

Abhi bhi waqt hai
khuwab’on ko tabeer ker dalo
wafa ko apney mathay per likho
taqdeer ker dalo
kisi key pyar ko per’on ki tum zanjer ker dalo...

Be-kinar jazb’on ko..!!

Be-kinar jazb’on ko
Kab kinar milta hai?
Be-qarar soch’on ko ,kab qarar milta hai
Be-daiyar log’on ko, kab daiyar milta hai
Aaj kis key liye tum ney ye sawal pochey hein?
Aik pal ko socho to’
Be-khabar parind’on ko
Kab hawa’ein deti hein
Khushbo’on key sandesey
Ajnabi jazeer’on ka kab pata batati hein
In ko in key honey ka
Kab yakeen dilati hein
Tum ney jo bhi pocha hai
Hum jawab denay ka hosla agar rakhtey
Muztarib hi kiun hotey..??

Is sey pehlay key ankh khul jaye..

Is sey pehlay key ankh khul jaye
Aa key hont’on sey’ meri aankh’on per

Koi anmool khuwab likh jao
Mera chehra gulaab leikh jao

Bad mein aa key apney hath’on sey
Mera jeewan sarab likh jao...

Mumkin ho to….

Mumkin ho to….
Kali shab ki tasht ko dekho
Kitney sundar tarey hein
Lekin hein be-khawab azal sey
Shayad hijr key marey hein!