Wohi aksar khafa bhi hotay hain. . !

Jo mananay k fun se waqif hon
Wohi aksar khafa bhi hotay hain. . !

Jo baray ba-wafa se dikhty hain
Wo baray be-wafa bhi hoty hain

Jo theherty hain zeest ka haasil
Wohi lamhay saza bhi hoty hain

Hum ko itni khabar nahi hoti
Hum kisi ki dua bhi hoty hain

Jo bicherny ka wehem rakhtay hain
Wohi aksar juda bhi hoty hain. . !

Meray Ae Sheher-e-Muhabbat. . !

Teray chehray ki shafaq subha, saba choomti thi
Teri raato’n ki sayah zulf ghata choomti thi
Teri saanso’n se churaai thi gulabo’n ne mehek
Thi sitaro’n se siwa teri in aankho’n ki chamak

Meray ae sheher-e-Muhabbat Kabhi aabaad tha tu

Tu ne ik zod faramosh ko apna jana
Such samajh baithy thy sapnay ko na sapna jana
Ab tou kuch bhi nahi baaqi
Naa wo mein hoon na wo tu
mery ae sheher-e-Muhabbat
Kabhi aabad tha tu. . !

Muhababt kam nahi hoti. . !

Koi kitna jatan kar le Muhababt kam nahi hoti. . !
Zamana is k aagay aahni dewar ban jaye
Aur us ki haath ik talwaar ban jaye
Muhabbat dar nahi sakti Daranay se
Nahi mitti mitanay se
Muhabbat ki banti nahi zamanay se
Ye apni jaan de kar bhi kabhi bedam nahi hoti

Koi kitna jatan kar le Muhababt kam nahi hoti. . !

Kabhi ye heer ka joban kabhi ranjhay ki wanjili hai
Kabhi khaaro’n bhara rasta, Kabhi ye phool jangli hai
Kabhi sheeree’n ki betabi, kabhi farhaad ka taisha
ye kuch kuch shehed jesi hai, maza hai is mein sam jaisa
Junoo’n hai qais ka, laila ki ye waraftagi hai
Khudi ka bhaid hai is mein
Muhabbat be-khudi bhi hai
Muhabbat hai khuda jesi, khudaai is mein shaamil hai
Sitara mat kaho is ko, muhabbat maah-e-kaamil hai
Aur is ki lou kabhi madham nahi hoti.

Muhabbat char lafz’on ka sahefa hai.!

Muhabbat char lafz’on ka sahefa hai
Muhabbat ‘meem’ sey hai marg
‘Hey’ sey hadsa hai
Ye ‘bey’ sey be-kali hai aur ‘tey’ sey taj kant’on ka
Agar ye marg hai to marg sey kis ko mafar socho
Jo is ka hadsa jano to is sey kon bach paya??
Hai ’bey’ sey be-kali to be-kali saan’on pey hawi hai
Agar ye taj kant’on ka to sar per bhi sajta hai
Wo sar tan per nahi rehta
Muhabbat khoon mein doba hu aik dasht hai, gehri udasi hai
Muhabbat hai dua jesi , muhabbat karbala si hai..

Adhorey khawab key andar…

Adhorey khawab key andar
Kabhi palk’ein bichana mat
Adhorey khawab ankh’on ko bohat takleef detay hein
Adhori yaad ko dil ki zameen mein tum nahi bona
Adhori yaad dharkan mein bohat chubti, sisakti hai
Khalish ban ker khatakti hai
Laho mein bijli’yan ban ker bhatakti hai
Adhorey piyar ko…lekin chalo janey do is ko tum
Muhabbat, piyar, chahat, ishq hotey hi adhorey hein...

Is ney pocha..

Is ney pocha
Kin shart’on pey piyar karo gey?
Sath raho gey
Mein ney kaha
Piyar mein shart’ein kab hoti hein
Han ik choti si khawahish hai
Mujh sey ho sanjog tumhara kuch aisa
Jesay beej, gulab aur khushbo ka
Jesay ankh ki putli sey hai benai ka
Jesay dil ki dharkan sey hai judai ka

Muhabbat khas log’on key liye

Muhabbat khas log’on key liye
Khas tohfa hai gulab’on ki hai mehka’hat to muskurahat kali ki hai
Agar ye gul ki sorat hai to narmahat kali ki hai
Ye bhanwrey ki hai bebaki to gabrahat kali ki hai
Hawa’on ki hai khamoshi to ye ah’hat kali ki hai
Hai chanda ki jhalak is mein
Sitar’on ki chamak bhi hai
Kabhi soraj ki garmi si
Saba ki si dhanak bhi hai
Muhabbat khas log’on key liye
Khas tohfa hai..

Dharkan dil ki teez hoti hai

Dharkan dil ki teez hoti hai
Palk’ein dekho,jhok si gai hein
Hont gulabi laraz rahey hein
Rangat tap ker surkh hoi hai
Ye kia tum ney mujh sey kaha hai?
Tum meri ho…sirf meri ho
Dil kehta hai tum sey kah’on mein
Meri sama’at mein ras gholo
Phir sey tum izhar karo na
Tum ho meri…sirf meri ho
Phir sey kaho na

Mein ney nazar’on sey is ko chum lia..

Mein ney nazar’on sey is ko chum lia
Jo tum ney mujhey dia tha kabhi
Ik mehakta hua sa surkh gulab
Zindagi ki haseen raah’on mein
In mehakti hui fiza’on mein
Is ki khushbo mein din guzar’on gi
Mujh ko jenay ka hosla dey ga
Ik mehakta hua surkh gulab
Mein isi soch key samandar mein
Ghota zan thi key yak-ba-yak mujh ko
Dour rastey mein tum nazar aye
Tum kisi ajnabi si larki ko
Dey rahey thay khod apney hath’on sey
Ik mehakta hua surkh gulab!

Resham jesay kitney sawal’on key guchay hein..

Resham jesay kitney sawal’on key guchay hein..
Jo pardes sey ghar atey hi khul jatey hein
Sochta hon mein
Maa’n, mehboba aur bivi
Ye teeno rishtey
Apas mein jab mil jatey hein
Jesay door kahi’n sehra mein
Taza phool sey khil jatey hein..

Us ney kaha key maat bohat gehri hoti hai!

Us ney kaha key maat bohat gehri hoti hai
Sagar jesi is mein jo bhi doob gaya wo
Phir kab ubhara!
Jeet ko preet ki reet banao
Mein ney kaha ye baat bohat gehri hai lekin
Ye bhi to socho
Dil na hota senay mein to preet kaha’n thi?
Maat na hoti jewan mein to jeet kaha’n thi ?

Pehlay aap btai’n mujh ko

Pehlay aap btai’n mujh ko
Aap ka chehra peela kiun hai?
Aap key kaprey melay kiun hein?
Wo neli si shirt kaha’n hai?
Aap ka lethar belt kaha’n hai?
Ainak key number kiun badley hein?
Kiun dhondali dhondali hain ankh’ein?
Kiun itna likhtey parhtey hein?
Aap key in uljhey bal’on
Kon waha’n suljhata ho ga?
Is wehshi is muztarib dil ko
Kon waha’n behlata ho ga?
Wo to dasht hai tanhai ka
Chain waha’n kaha’n ata ho ga?

Mein rah guzar mein khari hui hon..

Mein rah guzar mein khari hui hon
Tumhari khatir ari hui hon

Dukh’on sey daman wasi hai mera
Inhi mein pal key bari hui hon

Kisi ki mujh ko nahi hai parwah
Mein teray dil mein jari hui hon..

Hamara dosh hai mana

Hamara dosh hai mana
Tum’hein apna jo hai jana
Tumharey bin ye jewan marg jesa hai
Hum’ein janat ka har gosha bhi goya narm jesa hai
Haqeqat mein agar socho
Muhabbat mein ana ka kam hi kia hai
Chalo ab man bhi jao
Key tum ko hum manatey hein
Hum’ein tum sey muhabbat hai

Koi guzra hua lamha..

Koi guzra hua lamha
Koi beti hui sa’at
Tumharey dil key band darechay mein chali aye
Tumh’ein aisa lagey
Key mudat baad
Tumh’ein dheemi si methi si
Kasak mehsos hoti hai
Tumh’ein kuch yaad ata hai
To meray bholay huay sathi
Meray na-meharba’n
Palat ana, palat ana
Key meri sama’at ab bhi
Tumhari ahat’on ki muntazir hein

Mein aaj bohat udas hon!!

Mein aaj bohat udas hon
Koi nahi
Jis sey dil ki werani bant sak’on
Koi nahi’en
Jo meray behtay ansoo’on ko rok sakey
Koi nai’en
Jo ik zara harf-e-tasali dey
Koi nahi’en
Jo muskura key kahey
Apni hasas ankh’on ko takleef dey
Ye moti meray dil pey girtey hein
Koi nahi’en
Agar hai to bolta kiun nahi’en hai

Bahir ki awaz’ein sun’na chahti hun.!

Bahir ki awaz’ein sun’na chahti hun
Lekin
Meray andar shor bohat hai..

Jab jab sham dhaley gi..

Jab jab sham dhaley gi
Dil mein werani utrey gi
Ankh’ein bhar ain gi
Dil dard ki sorat dhal jaye ga
Jab tu rasta badal jaye ga
To jana’n……
Hum tanha jee paen gey
Ya… mar jain gey..???

Ungli’an shal hein..

Ungli’an shal hein
Dil bhi dard sey bojhal hai
Do ghantey sey is ka phone engage hai
Itni dair tak internet pey
Kis sey chatting kerta hai??

Muhabbat is qadar mushkil amal hai..

Muhabbat is qadar mushkil amal hai
Itni zalim, itni sangdil hai
Agar maloom ho jata
To dil key agey hath rakh deti
Sar ko jhuka leti
Dil sey zidi bachey ko mana leti
Chaht’on ki rah itni kathin hai
Key apney ghair ho jatey hein
Dil mein dard bo jatey hein
Agar maloom ho jata
Bohat safak ho jati
Magar tum sey na ye sunti
Tum’hein mujh sey muhabbat hai
Kabhi tum sey na ye kehti
Mujhey tum sey muhabbat hai..

Tum ko zabt kerna hai.!!

Tum ko zabt kerna hai
Zabt bhi kamal ka
Neend sey nedhal ho
Dard be-misal ho
Jag ker bta dena
Zakhm zakhm ho jao
Phir bhi muskura dena
Tum ko sabar kerna hai
Khod pey jabar kerna hai
Khar khar kerna hai
Intezar kerna hai
Is gulab lamhey ka
Aitbar jo dey ga
Ikhteyar jo dey ga..

Kabhi sham dhal jaye!!

Kabhi sham dhal jaye
Koi rasta badal jaye
Kabhi ansoo nikal jaye

Koi deewar tham’on gi
Tum’hein phir sey bula’on gi
Khodi ko azma’on gi

Mein sach kehti hun meri jaa’n
Bohat ziada sata’on gi
Tum’hein mein yaad aon gi

Kabhi dil sey pukaro gey
Koi pal youn guzaro
Meri hi deed chaho gey

To meri yaad ka daman
Tumhara zabt torey ga
Tum’hein pal pal jalaye ga

Tum’hein itna sataye ga
Key sab sey dor ho key tum
Kabhi ansoo bahao gey

Bohat ziada satao gey
Bohat ziada rulao gey
Mujhey tum yaad aao gey..