Yunhi umeed dilatey hain zamaney waley..

Bas yunhi umeed dilatey hain zamaney waley,
Laut kar to naheen aatey hain jaaney waley,

Mohabbat to lagti hai bheek ki maanind,
Khud hi nibhaatey hain nibhaney waley,

Kya zulm ka manzar hai ya khawb hai yeh,
Afsos bhi karte hain ghar jalaney waley..

Vaada kar lete hain nibhaana bhool jatey hain..

Vaada kar lete hain nibhaana bhool jatey hain,
Laga kar dil mein aag bhujaana bhool jatey hain,

Mein to khoob tayaari karti hoon sab sajaaa kar,
Magar woh ain’waqt per aana bhool jatey hain,

Main jo yaad kar loon jawaab sab sawaalon ke,
Imtihaan nahin lete aazmaana bhool jatey hain..